على طاري مشاعرنا وش أخبارك بعد فرقاي
وش اخبار المكان اللي تفرقنا على حدوده

انا اذكر يوم ودعتك تبسمتي وقلتي (باي)!
كأن بخاطرك قلتي اهي فرصه وموجوده

قريت الحقد بعيونك بنظره تستثير اعداي
قريته وانتهت ذكرى بيوم فيه مولوده

خساره خابت ظنوني وخيبتي بها رجواي
خساره وانهزم عشقي بعد ماماتوا جنوده

رحلتي ورحت في فالي ولقيت ابشرك مغناي
لقيت انسان علمني (اصول الحب) وبنوده

لقيت انسان نساني هموم واكبت دنياي
مسح ماضي معك عشته وحلم دروب مسدوده

رفعني فوق لنجمه ونثر طيبه على مرساي
بطيب اخلاق خاواني وصار الكل من جوده

على فكره اهو يدري وش اللي صار لك وياي
وعاهدني يكون دواي وحقق فعلاً عهوده

خلاص الوقت داهمنا انا برحل وكل مناي
تشيلي العشق من بالك مدامه طاح عنقوده

دخيلك جنبي دروبي طريقك خالفته خطاي
وديره تسكني حماها بودعها بلا عوده

عزاي انك شهتي لي ولا انكرتي طهر يمناي
وانا ممنون لدنيا ترجع صوره مفقوده

اخيراً اذكري (مساعد) وقولي للملا ذكراي
قصيده اسمها الفرقى نغني لحنها نشوده

وعلى طاري مشاعرنا مسحت اسمك بعد فرقاي
مسحته في المكان اللي تفرقنا على حدوده