ربيع الشوق

حبيبي يا بعد كلي انا مشتاق لـعيونك
انا مشتاق يا عمري أعانق همسك الدافي

وحشني صوتك بكلمة صباح الخير وشلونك
صباحك نور يا عمري عسى نومك على أطيافي

وأحبك آه توحشني إذا جتني من جنونك
يبين اللي وسط قلبي تربى وأعتلى خافي

من شفاهك تجي كنها زهور تنثر فنونك
و انا آخذها ووزعها على الخدين بنصافي

حبيبي أرفق بقلبي على هونك على هونك
تعال وضمني فرحه انا جوي معك صافي

ترى دنياي ما تسوى أعيش أحلامها دونك
تشوف الكون وش كبره بدونك صار ينعافي

ملامح وجهي تفضحني بها ربعي يشوفونك
أحاول أخفي اللهفة وتبين بدمع ذرافي

كتبت اسمك على قلبي ولون الخط من لونك
كتبته وانتثر حبره وفاح المسك بريافي

مابين الدم وعروقه تفوح أشواق مفتونك
تجول بداخلي كلي مابين الجسم وأطرافي

مشاعر تشتعل خذها وولعها مع شجونك
وخذني يا وفاء معها ذرى لروح والحافي

حبيبي غوص في جوي و انا ببحر على مزونك
على متن الوفاء نبقى وتبقى يا غلا وافي

ربيع الشوق لك نادى تعال و شوف مجنونك
تعال و شوف مجنونك على رمضى الهوى حافي

لجل عينك مشى دربه عسى ربي له يصونك
لجل عينك رضا يمشي طريق فيه ميهافي

حبيبي كيف ما يعشق وقلبه صار مضنونك
يغرد بالغلا طيره وطيره بالغلا طافي

دخيلك يا بعد عمري انا مشتاق لعيونك
انا مشتاق يا عمري أعانق همسك الدافي