غرام الكون

عزف قلبي معاني الشوق و صار الشوق ميثاقه
دخيل الله على منهو خذاني بالغلا ولهان

حبيبي موطنه قلبي و أنا بيتي من اعماقه
بنيته للهوى عشقي و كتبني داخله عنوان

رسم فيني “غرام الكون” رسمني لوحه ب اوراقه
رسمها وا بدع افنونه بريشه خطها فنان

من الماضي الى الحاضر ملكني سلهم اشواقه
عطاني بالوفاء قلبه هديه ما بغى أثمان

أحبه حيل و أحبه و حبه ساق خفاقه
على متن السحاب اللي جمعنا بأعذب الألحان

سكني و الغلا فيني يشيل اشواق في باقه
قطفها بالعطاء و اهدا عيونه رقة الالوان

خذتني في بياض الود و هام الورد بآفاقه
حديقة حبنا فاحت شذاها عانق الأوطان

مشاعر لمها قلبي و شاع النور بشراقه
شعاعه ضمني لحظه بدون انذار و استيذان

و أنا قلبي عزف شوقي و صار الشوق ميثاقه
دخيل الله على منهو خذاني بالغلا ولهان