تجربتي مع سوق | souq.com

لا يخفى على الجميع اهمية التسوق عبر الانترنت لعدة اعتبارات اهمها الراحة و فرق الاسعار ، ومن اهم المواقع لدينا هو موقع سوق دوت كوم لكن على كبره واهميته وبالرغم من إنظمامه لأكبر منصة تسوق (امازون) الا انه لايزال يعاني من بعض الملاحظات واللي اشوف ان بعضها ملاحظات بدائية جداً
ومن خلال تجربة لأكثر من 20 طلبية تمت من قبلي في سوق دوت كم اقدر اوجز بعض الملاحظات بالآتي:

  • لا يهتم ابداً بالتقييم سوى قيمتها سلبي او إجابي لا تجد ردة فعل من الموقع
  • في حال ارسلت للبائع لا تجد رد ، وسبق ان ارسلت لأكثر من بائع وللأسف ولا واحد رد علي
  • اذا سددت بالفيزا يتأخر الطلب وكأنهم ظمنوا المبلغ ولا عاد يهمهم سرعة التوصيل
  • يحدد موعد لتسليم وللأسف يتأخر كثير بعض الاحيان تصل الى اكثر من اسبوع وهذا الامر صار معي في آخر طلبية الاسبوع هذا
  • بعض المنتجات مختلفه عن الوصف ، طلبت ريموت كاميرة وكانت كاميرتي من ضمن الكاميرات اللي في الوصف وبعد ماوصلت تفآجأت انه لا يعمل عليها واضطريت ارجعه وكذلك طلبت شاحن متنقل بس جاني افضل من اللي طلبت ولا رجعته 😀
  • اذا سويت مفضلة للأسف تدخل بعد فترة وتلاقيها اختفت
  • التطبيق ثقيل مره وجربته في اكثر من جهاز ودائماً يسجل خروج
  • التغليف في الغالب سيء مرة ويجيك بعض الاحيان معفط وحالته حاله
  • في حال رجعت بضاعة معينه مبلغها يتحول كرصيد في الموقع ولا يمكن تستفيد منه الا من خلال الموقع ، تخيل مثلاً لو شريت جهاز ب 8000 ريال وقررت ترجعه ماراح تقدر تشتري بالمبلغ هذا الا في سوق دوت كوم 🙁

وحتى نكون منصفين اكثر له إجابيات لا يمكن إغفالها ابد
اهمها تعدد خيارات التوصيل مثلاً يجيبونها لك في البيت او لأقرب مركز قريب منك وفي بعض الاحيان اذا تبي وصلوها لك لمحلات ميد 
والشي الثاني في حال الارجاع يجيك مندوب لحد بيتك وياخذ البضاعه منك لكن مثل ماقلت سابقاً يرجعون لك قيمتها كرصيد في حسابك ما تقدر تآخذه مبلغ مباشرة ، يعني مالك مفر لازم تشتري مرة ثانية 😀
وكذلك خيارات السداد متعددة مع اني انصح بالسداد عند الاستلام لأنك بكذا تضمن عدم التأخير وفي نفس الوقت لو صار اي مشكلة تكون انت اساساً ماسددت مع العلم ان السداد وقت الاستلام عليه رسوم

على العموم الموقع جميل لكن يحتاج الى تطوير اكثر واهتمام وللأسف مختلف اختلاف كلي عن موقع امازون واللي اعتبره افضل موقع ممكن تطلب منه

تحياتي للجميع ..

عن الكاتب


اضف تعليق

لن يتم نشر عنوان بريدك الإلكتروني. الحقول المطلوبة تتميز بـ *


يمكنك استخدام HTML وسوم واكواد : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.